அபாப் பட்டினம் முதல் அப்துர் ரஹ்மான் பட்டினம் வரை! அதிரை ஹிதாயத் - 01

அன்புமிக்க 'அதிரை வரலாறு' வாசிப்பாளர்களே! இத்தொடர் அதிரைப்பட்டினத்தின் நாற்பதுக்கும் மேற்பட்ட ஆண்,பெண் மூத்தகுடி மக்கள்,ஆலிம்கள், வரலாற்று நூல் வாசிப்பாளர்கள், அதிரைப்பட்டினம் அல்லாத நேர்மையான,நடுநிலையுடைய வரலாற்றாய்வாளர்கள் என பலதரப்பார்களிடம் கண்ட நேர்காணல் அடிப்ப‌டையிலும் அவர்கள் தந்த குறிப்புகளின் வழியிலும் எழுத்தப்பட்டவை. அதுப்போல் தாங்களிடமும் வரலாற்று தகவல்கள்,குறிப்புகள் இருக்குமானால் கருத்துரையாக பதியுங்கள். அன்புடன் அதிரை ஹிதாயத்.

1180ஆம் ஆண்டு அக்டோபர் மாதம் காயல் நகரில்(கீழக்கரை) இருந்து தஹ்லா மரைக்காயர் என்பவரும் அவர் மனைவி ஆமினா உம்மா அவர்களும்,அவர்களுடன் ஆண்,பெண்,குழந்தைகளுமாக எழுபது நபர்கள் பல மரக்கலங்களில் கிழக்கு நோக்கி பயணப்பட்டார்கள். தங்களுக்கு எல்லா வகைகளிலும் ஏற்ற வாழ்விடம் ஒன்றை அமைக்கும் நோக்கத்தோடு!

சில நாட்கள் பயணத்திற்கு பின்பு அழகிய எழில் கொஞ்சும் கடற்கரை ஒன்று தென்படவே அங்கே முகாமிட்டனர்.

கடலைப்பற்றியும் அதன் அமைப்பைப்பற்றியும் நன்கறிந்தவர்கள் தஹ்லா மரைக்காயர் அவர்களும் அவர்களோடு வந்த சிலரும்.

எனவே தனது வசிப்பிடம் இதுதான் என முடிவெடுத்தனர் ஏகமனதாக!

அதுமுதல் அந்த கடற்கரைப்பட்டினம்தான் அவர்களின் வாழ்விடமானது;அவர்கள்தான் அந்த பட்டினத்தின் முதல் குடிமக்களாவர்.

கீழக்கரையிலிருந்து குடியேறிய அந்த அரபு முஸ்லிம்களைப் பொறுத்தமட்டில் வியாபாரிகள் அதுவும் கடல் வழிசெய்யும் வியாபாரம்.

அதற்கு ஏற்றார்போல் அமைந்தது அந்த பகுதி இலங்கை தீவின் கீழ்க் கட‌லோரத்திற்கு மிக அருகில் இருந்தது.

அதுபோல் உண்மையிலேயே மிகச்சிறந்த இடங்களில் ஒன்று 'பெட்டி வளைகுடா' அதிலும் சிறந்த இடம். இந்த நிலப்பரப்பிற்கு அருகில் அமைந்துள்ள இயற்கை வளைவு, இப்படி பல காரணங்கள் உண்டு.

அந்த கடற்கரை அமைப்பு மட்டுமின்றி ஊரின் உள்ளேயும் நல்லதொரு இடமாக அமைந்திருந்தது.

எனவே, கடற்கரை அருகேயே தங்களது குடியிருப்புகளை அமைத்தனர்.

இப்போது, வியாபாரம்செய்ய எல்லா ஏற்பாடுகளையும் செய்ய ஆயத்தமாயினர்.

அதற்கு, முதலாவதாக நல்லதொரு சிறு கப்பல் ஒன்று தேவைப்பட்டது.அவர்கள் பயனித்துவந்த மரக்கலம் வியாபார பயணத்திற்கு போதுமானது அல்ல;அதை நம்பி விலையுயர்ந்தப் பொருட்களை ஏற்றிச் செல்லமுடியாது!

கப்பல் கட்டுவதற்கான மரவகைகள் அணைத்தும் அங்கேயே கிட்டியது.

ஆகவே, கப்பல் கட்டும் வேலை போர்கால அடிப்படையில் நடைப்பெற்று ப‌ல மாதங்களில் முடிவுற்றது.

இப்போது, கீழக்கரை மற்றும் கீழக்கரையிலிருந்து பல ஊர்களுக்கும் இடம் பெயர்ந்த சொந்த பந்தங்களையும் வியாபார தொடர்புகளையும் கண்டு பேசி வியாபார பொருட்களை எடுத்துவந்தனர், ஒரு குழுவினர்.அதில் பல்வேறு வகைவகையான பொருட்கள் குவிந்திருந்தது.

1181ஆம் ஆண்டு செப்டம்பர் மாதம் முதல் வியாபாரக் கப்பல் பதினெழு பேர் கொண்ட குழுவாக இலங்கை சென்றது. அந்த வியாபார பயணத்திற்கு 'அபாப்' எனப் பெயரிட்டனர்.

'அபாப்' என பெயரிட்ட முதல் வியாபரப் பயணம் மிகவும் வெற்றியடைந்தது.

பல பயணங்கள் மேற்கொண்டு கிடைக்கும் லாபம் இது ஒன்றிலேயே கிட்டியது.

எனவே, அந்த பட்டினத்திற்கும் 'அபாப்' என பெயரிட்டனர்.

ஆகவே, அந்த பட்டினத்தின் முதல் பெயர் 'அபாப்பட்டினம்' என ஆயிற்று!

முதல் பயணம்தந்த ஊட்டம், பலப்பல பயணங்களுக்கு வித்திட்டது.செல்வம் குவிந்தது; வேறு பல ஊர்களிலும் இருந்த சொந்தங்களும் அபாப்பட்டினத்தில் குடியேறினர்.

அபாப்பட்டினத்தின் மொத்த மக்கள் தொகை அறநூறை(600)விஞ்சி நின்றது;கப்பல்களின் எண்ணிக்கையும் ஏழு ஆயிற்று!

இன்ஷாஅல்லாஹ் தொடரும்...